Monday, May 28, 2012

ഈ നാടകങ്ങളില്‍ മതിമയങ്ങേണ്ട..

ക്കെ വെറും നാടകങ്ങള്‍ മാത്രമാണ്.. സാധാരണക്കാരുടെ മുമ്പിലേയ്ക്ക് എറിഞ്ഞുകൊടുക്കപ്പെടുന്ന വാര്ത്തകള്‍ ... ഒന്നും നടക്കാന്‍ പോകുന്നില്ല . എന്തൊക്കെയോ നടക്കും എന്ന പ്രതീതിയുണ്ടാക്കി എല്ലാവരും ചേര്ന്ന്‍ സാദാ പൌരന്മാരുടെ കണ്ണില്‍ പൊടിയിട്ടുകൊണ്ടിരിയ്ക്കുകയാണ്.. അവരെല്ലാം (ഇടതും വലതും പച്ചയും കാവിയും... ) ഒറ്റക്കെട്ടാണ്.. പുറമേയ്ക്ക് നമ്മുടെ മുന്‍പില്‍ പരസ്പരം കടിച്ചുകീറുന്ന ശത്രുക്കളെപ്പോലെ പ്രത്യക്ഷപ്പെട്ടാലും കാര്യത്തോടടുക്കുമ്പോള്‍ പരസ്പരസഹായസഹകരണസംഘങ്ങള്‍ മാത്രമാണ്.. എല്ലാ ചാനലുകളും പത്രങ്ങളും ഈ അധികാരിവര്‍ഗ്ഗത്തെ പിന്തുണയ്ക്കുന്നവര്‍ മാത്രമാണ്.. അവര്‍ക്കും അത്രയേ ആവശ്യമുള്ളൂ .കുറച്ചു ദിവസങ്ങള്‍ നീളുന്ന ഒരു വിവാദം .അത് ഒടുങ്ങുമ്പോഴേയ്ക്ക് അവര്‍ മറ്റൊന്ന് കണ്ടെത്തിയിരിയ്ക്കും ...

കുറച്ചു നാളുകളായി ചന്ദ്രശേഖരന്‍ എന്ന, മൃഗീയമായി എന്നു പറഞ്ഞാല്‍ മൃഗങ്ങള്‍ക്കും അപമാനമാകും വിധം രാക്ഷസീയമായി കൊലചെയ്യപ്പെട്ട , മാന്യനായ ഒരു മനുഷ്യനാണ് ചാനലുകള്‍ക്ക് ആഘോഷം ..
കണ്ണിനുല്‍സവമായി ചാനലുകളിലും പത്രത്താളുകളിലും വാര്‍ത്തകള്‍ വരുന്നു.. അതിനിടയില്‍ വീയെസ്സിനെ ലാക്കാക്കി ആരുടെയോ പിന്തുണയോടെ എം‌എം മണി ഒരു ഹാസ്യഭീകരവെളിപ്പെടുത്തല്‍ നടത്തുന്നു ..അത് അയാള്‍ക്ക് വേണ്ടത്ര ബുദ്ധിയില്ലാത്തത്തിനാല്‍ പറഞ്ഞല്‍പ്പം കൊളമാക്കപ്പെടുന്നു.. അയാള്‍ക്കെതിരെ കേസ് വരുന്നു . (എന്തു കേസ്,ഒരു ചുക്കും നടക്കില്ല . അയാള്‍ ലക്ഷ്യമിട്ടപ്പോലെ വീയെസ്സും കുടുങ്ങില്ല. .)     

തൊക്കെ കണ്ടും കേട്ടും ,കംപ്യൂട്ടറിനു മുമ്പില്‍ കുത്തിയിരുന്നു കണ്ണു കളഞ്ഞും മലയാളി അവനെ ഗ്രസിച്ചിരിയ്ക്കുന്ന എല്ലാ പ്രശ്നങ്ങളും മറന്ന് ബോധം കെട്ടിരിയ്ക്കുന്നു...ഭരണക്കാര്‍ക്കും പ്രതിപക്ഷക്കാര്‍ക്കും എല്ലാം വേണ്ടത് ഇതുതന്നെ.അവരെ സഹായിക്കാന്‍ മാത്രമുള്ള മാധ്യമങ്ങള്‍ക്കും വേണ്ടത് ഇതുതന്നെ . ഇതിനിടയില്‍ ഭരണവര്‍ഗ്ഗങ്ങളെല്ലാം (രാഷ്ട്രീയ വ്യവസായ ആത്മീയ വര്‍ഗ്ഗീയ  മാഫിയകള്‍ )അവരവര്‍ക്ക് വേണ്ടുന്നതൊക്കെ പിന്നേയും പിന്നേയും നേടിയെടുത്തു കൊണ്ടിരിയ്ക്കുന്നു ...

ന്നും നടക്കാന്‍ പോകുന്നില്ല ..കൊലപാതകങ്ങളും ഭീകരതകളും തുടരുമിനിയും ...എല്ലാം ചായക്കോപ്പയിലെ കൊടുങ്കാറ്റായി ഒടുങ്ങും .. ഇത്തരം വാര്‍ത്തകള്‍ കണ്ടു കൂടുതല്‍ സമയം പാഴാക്കാതെ കുറച്ചു പച്ചക്കറികളും വാഴയുമൊക്കെ നട്ടാല്‍ ,വരാനിരിയ്ക്കുന്ന അതിഭീകരമായ വിലക്കയറ്റത്തില്‍നിന്നെങ്കിലും കുറച്ചശ്വാസം കിട്ടും ...

പിന്നെ ,സത്യം ശക്തം തന്നെയാണ്.... ഷുക്കൂറൂം ചന്ദ്രശേഖരനും, അതുപോലെ ദ്രോഹിയ്ക്കപ്പെടുകയും കൊല ചെയ്യപ്പെടുകയും ചെയ്ത പൂര്‍ണ്ണ നിഷ്കളങ്കരുമായ പലരും .. അവരിലെ സത്യം എന്ന ഒരു ഘടകം ഉണ്ട് .. അത് ശക്തമായി പ്രവര്‍ത്തിച്ചാല്‍ അധികാരിവര്‍ഗ്ഗത്തിന്‍റെ എല്ലാ കള്ളങ്ങളും പൊളിയും ....നമുക്ക് പ്രതീക്ഷിയ്കാം , ഈ കോലാഹലങ്ങളെയെല്ലാം മാറ്റിനിര്‍ത്തിക്കൊണ്ട്...

2 comments:

  1. What use has done channels for Malayalis? ladies became addicted to soap serials, Bhakthi came back with a bang with serials and came mathravadam, charadukett etc etc jyothisham became popular. even when one's child is dead we see their parents appearing to TV in full makeup. The old values are lost. People have become selfish. In one house many TV exists for members.

    ReplyDelete